WORLD METEOROLOGICAL DAY
Kum 1950 March
ni 23 khan khawvel huap body lian leh pawimawh em em mai World Meteorological Organisation
(WMO) chu din a ni a, hemi denchhen hian Khawvel pumpuiah hian World
Meteorological Day hi March ni 23 apiangin kum 1961 atang khan lawm thin a ni.
Tunah hian khawvel ram hrang hrang 191 zet member ram an awm a ni.
WMO hi khawvel
mipui, mimirte him zawk leh chak zawka khuarel chhiatna (natural disasters) leh
mihring siam chawp (human induced- disasters) lakah kan inthiar fihlim theih
nana din a ni a, a headquarters chu Geneva, Switzerland a ni.
He
Eng vanga he World Meteorological Day lawmna hi siam
nge an nih? Meteorological
station networks lian em em mai din a, chumi zara ram leh mipui himna chak
zawka hmalak anih theih nan leh mipuite tih thathona atan a lawmna (celebration)
siam thin a ni. Tin, tui lama intodelhna leh himnate, food security te leh
veivahna (transport) thlengin hei hian a nghawng a ni.
Sik leh sa
inlumlet hian ram bik emaw state bik emaw a thliar hrang lova, chuvangin
khawvel ram tinte inzawmna leh thawhhona (International cooperation) hi sik leh
sa zir dawn chuan mamawh a ni. Hetiang lama khawvel huap organization lian ber
World Meteorological Organisation (WMO) chu ram hrang hrangte thawhhona kawnga
hmalatu ber atan din a ni reng a ni.
WMO leh UN Environment Programme chuan body
lian tak mai, ram hrang hrangte huap turin Intergovernmental
Panel on Climate Change chu a din a, chu body chuan Khawvel Boruak-inlumlet
thlithlaina (Global Atmospheric Watch) hna a thawk ta a ni. He hna thawh avang
hian kum 2007 khan Nobel Peace Prize he body hian a dawng nghe nghe a ni. WMO
in field hrang hrangah Research leh Training a enkawl a, chung trainingnaah
chuan kawng hrang hranga khuarel chhiatna (natural disasters) leh mihring tena
kan siam chawp chhiatna (human induced- disasters) te a ni. Chung field te chu tui lam pang atanga
chhiatna (hydrological disasters), khaw awmdan (meteorological disasters), sik
leh sa lo danglam avanga chhiatna (climatological disasters) leh leichhung lam leh
pawn lam dinhmun avanga chhiatna (geophysical disasters) thil te a ni. He panel
hian khawvel environment tla chhe zel tur danna kawngah programme pawimawh tak
tak mai alo duang tawh thin a ni.
Eng tinge WMD hi an lawm thin? Kum tinin kum 1961 atang khan
program hrang hrang leh activities hrang hrang hmangin a lawmna an lo buatsaih
tawh thin a ni. Scientific and Technical Forum dinin hma lakna hrang hrang an
lo nei tawh thin a, chung an hmalak dan
thenkhatte chu: i) organizing Conference; ii) organizing Exhibitions for
professionals of meteorology; iii) organizing Symposium; iv) related topics
hmanga Debates buatsaihte leh thil dang dangte a ni thin. Hetiang
lawmna(celebration) ah hian Vantlang hruaitute, mipuite pawh sawm thinin part
te pawh an la ve thin a ni. Tin, hemi ni hian lawmman hrang hrang an siam thin
a, chung zingah chuan WMO Research Award for young Scientists (special
achievement related to the meteorological research) te, The International
Meteorological Organisation Prize te, Professor Dr. Vilho Vaisala Award te leh
a dang dangte an sem thin a ni.
Kum 1961 atang
khan kum tinin Thupui (Theme) neiin he World Meteorological Day hi an lo lawm
tawh thin a, kumin 2019 thupui chu The
Sun, the Earth and the Weather tih a
ni.
Tun hnai kum 10 kalta chhunga WMD celebrations Themes te chu:
1. 2010 - 60 years of service for your safety and well-being
2. 2011 - Climate for you
3. 2012 - Powering our future with weather, climate and water
4. 2013 - Watching the weather to protect life and property
5. 2014 - Weather and Climate: Engaging youth
6. 2015 - Climate knowledge for Climate Action
7. 2016 - Hotter, drier, wetter. Face the Future
8. 2017 - Understanding Clouds
9. 2018 - Weather- Ready, Climate Smart
10. 2019 - The Sun, the Earth and the Weather.
Kumin hian he Ni
hi Inrinni anih avangin North East Region a lawmna pui ber Regional
Meteorological Centre (RMC), Guwahati ah chuan vawiin Zirtawpni hian hman a ni.
-
K. Lalrammuana
Meteorological
Centre
Directorate
of Science and Technology
