MODEL PROGRESS PARTNER UNDER LOAN SUPPORT

Name

BILLY RL ZORAMMUANA (CM Special Awardee 2026)

Address

Khumtung, Serchhip District

Project Trade

Computer Zirna

Loan Amount

` 10,00,000/- (Rupees Ten Lakh) only

Bank Partner

State Bank of India

Scheme

MUDRA

Project Chanchin Tawi

Billy RL Zorammuana hi Khumtung, Serchhip District-a cheng a ni a. Bana Kaih Scheme hnuaiah hian Loan ṭanpuina dawngin Progress Partner hlawhtling tak a ni mek a ni. Tun hma aṭangin Computer zirna (Institution) hi mimal (Private) angin a lo kalpui tawh ṭhin a, MSCTE (Mizoram State Council for Technical Education) pawmpui Computer zirna puitling leh changtlun zawk hawn chu a duhthusam a ni ṭhin.

Hun rei tak aṭang tawh khan Computer Institution hawn a lo chak tawh ṭhin a, sum lam harsatna avanga a mamawh ang zat Computer Set leh a hmunhma a neih theih loh avangin a duh angin zirna chu a kalpui thei lo a ni. Hei vang hian a hmelhriat ṭhenkhatte institution hminga exam hmachhawn turin zirlai tlem te te a la ve ṭhin a, sum dehchhuah kawngah pawh a hnathawh chu a hlawk mawh hle a ni.

Mizoram Sawrkar Flagship Programme Bana Kaih Policy hi lo hmelhriat vein, a Computer zirna in tihchangtlunna atan Bana Kaih hnuaia Loan dil theih chu a dil ve ta a. Science & Technology Department chuan a dilna chu lo en fiahin ‘Orientation Training’ te an neihpui zawhah Bana Kaih hnuaia an Progress Partner ni tura thlan niin, a Computer zirna in tih changtlun nan loan a la ta a ni.

Bana Kaih hnuaia ṭanpuina a dawn hmang hian hmalakna ṭha tak a nei a. Computer Set (12 sets) leiin, zirna hmun turte pawh mumal takin a buatsaih thei ta zel a. Mizoram State Council for Technical Education (MSCTE) Affiliation hial a la thei ta a ni, ‘Leihchhun Computer Academy’ tia hming chawhin Computer zirna changtlung tak chu a hawng ta a ni.

Leihchhun Computer Academy tih hming chawia MSCTE Affiliated a nih hnu hian Session hnih (2) Exam an hmachhawn ve tawh a, zirlai 32 hian hlawhtling takin an lo zir chhuak tawh a, chung zinga mi 31 chu Distinction-a pass in, mi 1 First Division-ah a pass tawh a ni. Tunah hian instructor fulltime mi 1 leh part time mi 3 a chhawr mek a. Diploma in Computer Application (DCA) – I Semester hi a kalpui ber a, MSCTE-in a phalsak angin a Course hniam lam kalpui turin a inbuatsaih mek bawk a ni.

Billy RL Zorammuana hian a hnathawh ṭhat avang hian Progress Partner zinga thawk ṭha zual thlan chhuah zingah a tel thei a. Chapchar Kut 2025 lawmna lawmualah neih pawh khan Bana Kaih CM Special Award a lo dawng tawh a ni.

Kumtin hma sawn chho zelin, tunah hian Class room pawh RCC vekin a zauh belh ta hial a. Tunah hian DCA (Diploma in Computer Application) zirna thleng hawngin a hnuaiah hian mi eng emaw zatin Computer hmanga hnathawk theih turin thiamna an lo zir chhuak tawh a ni. A awmna khua Khumtung aṭang hian zirlai an awm reng a, tualchhung aimahin khaw ṭhenawm Baktawng leh Chhuanthar aṭang hian an tam ber zel a. Khaw kar hla deuh leh Aizawl aṭang pawhin Online Class kal Student eng emaw zat a nei ve reng bawk.

Thalak

MODEL PROGRESS PARTNER UNDER CM SPECIAL PACKAGE

Name

LALBIAKZUALA

Address

Mission Vengthlang, Aizawl, Aizawl District

Project Trade

Hiveform 3d

Grant Amount

` 50,000/- (Rupees Fifty Thousand) only

Bank Partner

State Bank of India

Scheme

CM Special Package Phase II

Project Chanchin Tawi

Lalbiakzuala hi Mission Vengthlang, Aizawl a cheng niin Bana Kaih Scheme Phase-II hnuaiah hian CM Package dawngin Progress Partner hlawhtling tak a ni mek a ni. Tun hma a\anga 3d digital model siama online-a sumdawn pui \hin niin 3d printing tih hi a duhthusam a ni \hin.

3d digital file siam a hlawkpui ve thawkhata a inngaih avangin software engineer anga private firm-a a thawh chu bansanin hun tam zawk 3d model siam nan a hmang chho a, chutih rualin printing company anga ding tur chuan sum tam tham tak a ngaih avangin tlin meuh loa inngai chungin a ti chho ve bek bek a. Chutih lai chuan Bana Kaih Scheme hi hmelhriat vein sumdawnna tihlen belh zel theih beiseiin CM Special Package chu Science & Technology Department hnuaiah a dil ve ta a ni.

3d Printer pakhat lei nana CM Special Package a dil chuan nasa taka puiin a profit a\ang hian 3d printer dang panga (5) a lei belh thei tawh hial a. Heng bakah hian Hiveform hnuaiah hian mi pathumin hna thawkin a duh apiang tan training an pe pah mek bawk a ni. Lalbiakzuala hian software engineer anga a experience lo neih tawh chu hmang \angkaiin 3d print hian IoT (Internet of Things) hmangin smart home device te an siam chhuak a, heng hian mipui lawm a hlawh hle.

Heng bakah hian mi chi hrang hrang leh pawl hrang hrangte thawhpuiin Tribal Film Festival Mizoramin an thlen turah pawh custom memento Hiveform 3d kaltlang hian siam a ni a. INSPIRE MANAK hnuaia 12^th National Level Exhibition & Project Competition N. Delhi a, October 12-14, 2026 chhunga neihah Hmangaihsangi, Neuhof School, Chanmari-in National Award a dawn pawh Hiveform 3d kal tlang veka siam a ni.

Hiveform 3d hian mipuite tana ni tin mamawh chi hrang hrang an siam ṭhin bakah mitthi tawh hriat rengna sculpture te, demand a san avangin an siam nasa hle a. Chutih rualin heng thilte hi a to ṭhin a, mipui tam takin a man avangin an lei ngam lo tih chu Hiveform hian hriat thiampui hlein, a man tih ziaawm dan tur kawng hrang hrang an dap a. A solution ṭha ber tur nia ngaiin Artificial Intelligence Model train-na kawngah hma an la chho a. Mipui te’n thlalak emaw text an type luh aṭanga 3d file an generate mai theihna tur AI model train in www.hiveform.in ah hman theihin an chhawp chhuak mek bawk a ni.