LEIMIN WARNING - 22.06.2020
June ni 21, 2020 tlai lam dar 4:16 khan lirnghing ritcher scale 5.1-a nain Mizoram a sawi a, darkar 12 hnu, a tuk June 22, 2020 zing dar 4:10-ah ritcher scale 5.3-a na a thleng zui lehnghal a. Lirnghing a thlen hian atirah chhiatna nasa tak thlen kher lo mah se ruahsurin a zui chuan chhiatna nasa zawk - leimin leh leitawlh thleng thei a ni.
Khawchin thlirlawkna, Regional Meteorological Centre (IMD), Guwahati atanga hmuh danin vawiin atanga ni nga chhung(22.06.2020 – 27.06.2020)-in Mizoram hmun tinah ruah sur tura rin a ni a, hmun thenkhatah phei chuan ruah tam tak(heavy rain) leh ruah nasa tak(very heavy rain) sur thei a ni bawk.
Hetianga lir a nghin zawh hnu lawka ruah sur tura rin a nih avang hian Mizoram chhungah leimin leh leitawlh te awm thut thei a ni a, mipuite a theih ang anga lo inralring tur leh lo fimkhur turin kan inngen a ni. Leimin hlauhawmna hmuna awmte phei chu lo fimkhur zual turin kan inngen e.
